SANTIAGO DE COMPOSTELA | 23/07/2016 | Actualizada ás 11:19 por EUROPA PRESS
A superficie afectada polo incendio declarado na tarde do venres no municipio ourensano de Monterrei elévase a 145 hectáreas, das cales 12 son de arboredo, segundo as novas estimacións provinsionales facilitadas pola Consellería do Medio Rural.
En concreto, este lume iniciouse sobre as 17,30 horas deste venres na parroquia de Vilaza, en Monterrei, e en solo cinco horas, chegou a afectar a 130 hectáreas. As lapas quedaron estabilizadas ás 5,30 horas da madrugada deste sábado.
Nos labores de control traballan un técnico, 11 axentes forestais, 19 brigadas, 12 motobombas, tres pas, dez helicópteros e catro avións.
O Ministerio de Agricultura, Alimentación e Medio desprazou un avión anfibio tipo Canadair, de 5.500 litros de capacidade de descarga, e dous avións de carga en terra, para colaborar con Galicia na extinción deste incendio forestal. Estas aeronaves saíron das súas bases en Lavacolla (A Coruña) e Xinzo de Limia (Ourense).
De xeito complementario, enviouse a este incendio unha Brigada de Reforzo en Incendios Forestais, procedente da base de Laza (Ourense) e unha Unidade Móbil de Meteoroloxía e Transmisións (UMMT), que saíu da base de Ourense.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.