O Consorcio de Santiago aprobará a programación 2016-2017 da Real Filharmonía de Galicia

O Consorcio de Santiago celebrará este domingo, 24 de xullo, a súa Comisión Executiva e consello de Administración, coincidindo coa noite dos lumes do Apóstolo e o concerto institucional previo protagonizado pola Real Filharmonía de Galicia.

Ambas as dúas reunións estarán presididas polo alcalde da cidade e presidente do organismo interadministrativo, Martiño Noriega. No consello de Administración, que previsiblemente aprobará as contas xerais do organismo relativas ao exercicio 2015, participarán os seus vicepresidentes, Piar Prateiro, subsecretaria do Ministerio de Facenda e Administracións Públicas; e Román Rodríguez, conselleiro de Cultura.

Entre os temas que se abordarán na Comisión destaca a nova tempada da Real Filharmonía de Galicia, que se presentará aos medios o martes, 26 de xullo, no Auditorio de Galicia.