SANTIAGO DE COMPOSTELA | 26/07/2016 | Actualizada ás 12:23 por EUROPA PRESS
O Diario Oficial de Galicia (DOG) publica na edición deste martes as axudas para incentivar a creación de emprego entre os parados de longa duración, para o que o Goberno galego inviste dous millóns de euros. O obxectivo da Xunta é reducir a taxa de paro ata o 10% en 2020.
As axudas da Consellería de Emprego varían segundo a modalidade de contrato, entre os 2.500 e os 23.000 euros. Neste caso, existen dúas modalidades no programa: para contratacións indefinidas iniciais e para as transformacións de contratos temporais en indefinidos.
Concretamente, segundo explica a consellería nun comunicado, apoiaranse as contratacións realizadas dende o 1 de xaneiro de 2016 ata o 30 de setembro deste mesmo ano.
A iniciativa enmárcase no Plan de axudas aos parados de longa duración aos que o Goberno galego destinará un total de 10 millóns de euros. A esta iniciativa, súmase un programa de orientación para incrementar nas oficinas de emprego o número de titores especializados que deseñan o itinerario personalizado de inserción (IPI) de cada desempregado e para a mellora da formación do persoal do Serrivio Público de Empleo de Galicia (SPEG).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.