SANTIAGO DE COMPOSTELA | 27/07/2016 | Actualizada ás 20:09 por EUROPA PRESS
A Xunta contará con catro helicópteros contra o lume dende agosto, despois de que a adxudicación de cinco avións para a campaña de alto risco quedase deserta a finais de xuño.
En concreto, un dos helicópteros irá á base de Valdeorras (Ourense), despois de que a CIG denunciase o "abandono" deste centro operativo, ao non contar con ningún medio aéreo.
Diso informou este mércores a conselleira de Medio Rural, Ángeles Vázquez, nunha visita á base de Vilamaior, no municipio de Verín (Ourense), na que sinalou que, en agosto, se incorporarán esas catro aeronaves para reforzar o operativo.
Na súa visita, a conselleira coñeceu o persoal da base de Vilamaior e agradeceulles o labor realizado. Ademais, apelou á colaboración da cidadanía ao comunicar os incendios e a presenza dos posibles autores deles mediante o teléfono gratuíto 085.
MÁIS DE 170 HECTÁREAS EN MONTERREI
Posteriormente, Ángeles Vázquez desprazouse ao Concello de Monterrei para ver os terreos afectados polo lume na parroquia de Vilaza, que se declarou como controlado dende este domingo pola noite.
O incendio afectou a unha superficie de máis de 170 hectáreas, e na súa extinción traballan un técnico, 32 axentes, 47 brigadas, 27 motobombas, sete pas, oito helicópteros e seis avións.
A conselleira falou cos veciños afectados por este incendio e se ha solidarizado con eles. Ademais, agradeceu o seu labor ao brigadista que permanece ingresado no Complexo Hospitalario Universitario de A Coruña (Chuac), debido ás queimaduras do incendio rexistrado en Ribas de Sil (Lugo).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.