Un neno ten que ser rescatado cando se afogaba nunha piscina dun campamento urbano de Lalín (Pontevedra)

Un neno de sete anos tivo que ser rescatado dunha piscina en Lalín (Pontevedra) cando se estaba a afogar, segundo informou o Centro de Atención ás Emerxencias 112.

O menor participaba nun campamento urbano da localidade pontevedresa. Arredor das 12.30 horas da mañá, o 112 recibiu o aviso de parte dunha das monitoras pedindo axuda.

Ata o lugar desprazouse o helicoptero medicalizado con base en Santiago, que trasladou ao neno ata o Hospital Clínico de Santiago. Ademais, tamén participaron no rescate membros do GES de Lalín, a Policía Local e Protección Civil.