Por Galicia Confidencial | Compostela | 28/07/2016 | Actualizada ás 11:27
O paro baixou en Galicia en 4.900 persoas no segundo trimestre do ano respecto ao anterior, un 2,17% menos, por baixo da media de España (-4,5%), e sitúase con 222.900 desempregados nun 17,7%, segundo os datos da Enquisa de Poboación Activa (EPA) que publica este xoves o Instituto Nacional de Estatística (INE).
Respecto ao mesmo trimestre de 2015, o desemprego baixa en Galicia en 29.600 persoas, o que supón un descenso un 11,7%, neste caso unha cifra mellor que o 11,1% de baixada en España. Pola súa banda, o número de ocupados en Galicia nos segundo trimestres incrementouse en 12.900 persoas respecto do tres primeiros meses do ano, un 1,26% máis.
En España, o paro baixou en 216.700 persoas no segundo trimestre do ano respecto ao trimestre anterior, o que supón un descenso relativo do 4,5%. Este recorte do desemprego é inferior aos logrados nos segundos trimestres de 2015 (-295.600 parados) e 2014 (-310.400), aínda que supera o de 2013, cando o paro baixou en 230.900 persoas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.