Por E.P. | SANTIAGO DE COMPOSTELA | 30/07/2016 | Actualizada ás 15:00
A candidata do BNG á Xunta de Galicia, Ana Pontón, criticou este sábado "os vaivéns" do actual presidente autonómico, Alberto Núñez Feijóo, para fixar a data das próximas eleccións galegas, o que demostra, na súa opinión, "o pouco peso" da súa palabra, tras anunciar que os comicios se producirían "ámbito ao 20 de outubro".
Así o denuncipu a cabeza de lista por A Coruña durante un acto de precampaña celebrado este sábado no parque de San Domingos de Bonaval, tras o que pediu a Feijóo que "deixe de especular coa data das eleccións galegas" e sinale "unha cita propia" para falar de Galicia.
A candidata xa asegurara este venres que "sería lamentable" que a data das eleccións galegas "a fixase o lehendakari" Íñigo Urkullu ou dependese dos "avatares do caso Gürtel". Nesta ocasión, Pontón reiterou que "non é de recibo" esta situación, e indicou que o BNG se moverá para explicar quen é o candidato do PP.
Neste sentido, argumentou que a figura do actual presidente da Xunta é a dese "amigo do narcotraficante Marcial Dorado, de Pachi Lucas e o encubridor de Pablo Crespo. Por este motivo, destacou que o BNG se encargará de explicar, non só os resultados das súas políticas, senón descubrir "quen é o verdadeiro Núñez Feijóo".
"CITA MOI IMPORTANTE"
Do mesmo modo, Ana Pontón sinalou que as próximas eleccións son unha "cita moi importante" para os galegos. Ademais, apuntou a que os cidadáns teñen dereito a que os partidos políticos teñan tempo para explicar "as súas propostas e alternativas".
Por iso, pediu que non se pretenda facer "unha campaña expreso", e así poder "debater e falar de todo". Polo tanto, recalcou que, aínda que o BNG "está preparado" para calquera escenario", cre que "non é de recibo" que a data se decida pola trama Gürtel ou as eleccións vascas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.