Por E.P. | MADRID | 07/08/2016 | Actualizada ás 12:26
As temperaturas seguirán o seu ascenso este domingo, superando nalgúns casos os 40º, segundo informa a Axencia Estatal de Meteoroloxía (AEMET).
Esta suba propiciará a alerta amarela (risco) en 20 provincias, concretamente en Córdoba, Huelva, Jaén, Huesca, Zaragoza, Gran Canaria, La Palma, Tenerife, Ávila, León, Salamanca, Zamora, Lleida, Tarragona, Madrid, Cáceres, Lugo, Ourense e Pontevedra con temperaturas próximas aos 40º. En Badajoz, as temperaturas máximas alcanzarán os 41º.
Os ceos estarán despexados ou pouco nubrados en todo o país, aínda que poderán observarse algúns intervalos nubrados no norte das illas Canarias e, ao comezo da xornada, nalgúns puntos de Galicia, do Cantábrico, do litoral mediterráneo e de Baleares.
O vento será de compoñente norte no terzo norte peninsular, en Baleares e en Canarias. No litoral de Galicia, no Ampurdán e en Menorca, ventos con algúns intervalos de forte.
No terzo sur peninsular o vento será de compoñente este, mentres que no litoral de Almería o vento terá intervalos de forte e no Estreito, vento de levante forte.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.