Mantense a alerta pola calor nalgunhas zonas de Galicia

As zonas do val do Miño en Ourense e Pontevedra, Valdeorras e todas as Rías Baixas. Estas son as áreas onde a Axencia Española de Metereoloxía declarou alerta amarela pola vaga de calor. 

As horas máis calurosas serán entre as 2 do serán e as 6. Segundo Meteogalicia, as temperaturas alcanzarán os 37 graos en Ourense e os 36 en Pontevedra, elevadas pero lonxe dos valores superiores aos 40 graos alcanzados este domingo.

Xa para o martes prevense uns 31 graos na capital das Burgas e 30 na do Lérez, polo que en principio ese día xa non haberá alerta meteorolóxica.