A Xunta destina 60.500 euros para a mellora de estradas en Bóveda (Lugo)
A Xunta de Galicia destinará 60.500 euros para o acondicionamento do camiño local no municipio lucense de Bóveda, que consistirá no ensanche da calzada e a mellora nas condicións de seguridade da estrada que une a vía de altas prestacións CG-2.2 con Ribas Pequenas.
SANTIAGO DE COMPOSTELA | 10/08/2016 | Actualizada ás 13:40 por EUROPA PRESS
A Xunta de Galicia destinará 60.500 euros para o acondicionamento do camiño local no municipio lucense de Bóveda, que consistirá no ensanche da calzada e a mellora nas condicións de seguridade da estrada que une a vía de altas prestacións CG-2.2 con Ribas Pequenas.
Segundo informou o Goberno galego, a conselleira de Infraestruturas e Vivenda, Ethel Vázquez, asinou este mércores o convenio de colaboración co alcalde de Bóveda, o popular José Manuel Arias, a través do cal a Xunta se compromete a financiar integramente as obras.
A obras centraranse no ensanche da calzada, así como na limpeza do firme e das marxes da estrada para "optimizar" o camiño local que vai dende o enlace do municipio coa vía de altas prestacións CG-2.2 ata a estrada que une Bóveda con Ribas Pequenas.
Así, Vázquez Mourelle subliñou que a actuación atende a unha petición do alcalde e que os veciños de Bóveda "verán mellorados os accesos e condicionamento do camiño" para ofrecer "unha maior comodidade e accesibilidade".
