Así foi o inferno desatado polo lume en Castroagudín
Este vídeo amosa a voracidade do lume que comezou en Caldas e que ameazou os habitantes de Castroagudín, e pon de manifesto o enorme valor dos homes e mulleres que se atopan en primeira liña na loita contra os incendios en Galicia.
- Precarios combatendo incendios forestais
- Seis incendios arrasan máis de 1.100 hectáreas en Galicia en só dous días
Por Galicia Confidencial | Caldas de Reis | 10/08/2016 | Actualizada ás 17:20
O incendio forestal que afectou a parroquia de Castroagudín, en Vilagarcía de Arousa (Pontevedra), e que o luns obrigou a desaloxar varias vivendas e un polígono industrial, foi dado por sufocado hoxe por responsables do servizo local de emerxencias. Con todo, na zona permaneceron varias brigadas de bombeiros e de Protección Civil como medida preventiva, ante o alto risco de novos focos de lume.
Segundo as primeiras estimacións a superficie queimada por este lume iniciado en Caldas de Reis, rolda as 300 hectáreas, principalmente de bosques que foron replantados pola comunidade de montes tras os incendios de 2006.
A voracidade do lume pode observase nun vídeo gravado in situ por un brigadista en primeira liña de fogo. As imaxes transmiten o inferno no que se vén envoltos os homes e mulleres que están traballando na extinción destes lumes, e amosa a tensión que viven e o seu valor.
Subido por Roberto Novas Duarte a súa conta en Facebook, o brigadista describe así o vídeo:
"Aguanta!! Tranquilo!! Vamos , vamos,sigue,sigue!!
Uno de los muchos momentos de tensión que vivimos ayer quedó documentado.
Incendio de Caldas, La Brigada Alfa del Helicóptero de Campiño, primer escudo al frente de cabeza entrando en las primeras casas de Castro Agudín- A Barrosa (Vilagarcía)".
