A CIG convoca en setembro folga na empresa encargada do soporte informático do Sergas

A CIG convocou para os días 1, 2 e 5 de setembro tres xornadas de folga na empresa Tecnocom, na que traballan 18 persoas e que ten a concesión do servizo de soporte informático do Sergas.

SANTIAGO DE COMPOSTELA | 23/08/2016 | Actualizada ás 18:53 por EUROPA PRESS

Comparte esta noticia

A CIG convocou para os días 1, 2 e 5 de setembro tres xornadas de folga na empresa Tecnocom, na que traballan 18 persoas e que ten a concesión do servizo de soporte informático do Sergas.

Segundo indicou o sindicato, os traballadores, que "desenvolven a súa actividade" en xornadas de 24 horas, sete días á semana", cobran entre 700 e 850 euros e reclaman que a empresa negocie as compensacións por traballar en festivos e xornadas de verán e o mantemento das quendas que se realizaban antes da modificación unilateral por parte da empresa.

A "negativa da empresa a sentar a negociar estes aspectos concretos" foi o que "obrigou" aos traballadores a acordar esta convocatoria de folga.

A CIG teme que as modificacións unilaterais nas quendas que critican os empregados poidan estar motivadas como "represalia" pola solicitude da compensación de festivos.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta