O conselleiro de Economía destaca a aposta da empresa Plásticos Ferro pola internacionalización

O conselleiro de Economía, Emprego e Industria, Francisco Conde, destacou a aposta da empresa Plásticos Ferro pola internacionalización, a innovación e a diversificación en Muras (Lugo).

Nesta liña, nunha visita a esta empresa, sinalou a busca da diferenciación da compañía mediante a produción de bateas de polietileno, caixas para peixe e pezas para a enerxía xeotérmica, segundo indicou a Consellería de Economía, Emprego e Industria nun comunicado.

Así mesmo, Francisco Conde incidiu en que Plásticos Ferro é "líder na península e quinta en Europa" na fabricación e comercialización de tubos e accesorios plásticos. Ademais, resaltou que, deste modo, "contribúe á creación de riqueza e emprego na provincia e en Galicia".

Tamén o conselleiro resaltou a internacionalización da compañía, que destina o 85 por cento das súas vendas a Francia, Portugal, Marrocos e España e exporta o resto a uns 30 países.