A CORUÑA | 24/08/2016 | Actualizada ás 17:51 por EUROPA PRESS
A Deputación de A Coruña estudará a creación dunha liña de subvencións para mancomunidades de montes, similar á que xa existe para as confrarías de pescadores.
En concreto, a Deputación precisou que o obxectivo é "apoiar estas entidades na conservación e posta en valor dos espazos forestais como elemento de creación de emprego e xeración de riqueza".
Ao respecto, sinalou que así llo trasladaron os deputados da área de Promoción Económica e Emprego, José Luis García; Medio Ambiente e Vías e Obras, José Manuel Pequeno e a deputada de Benestar Social, Ánxeles Franco, durante unha reunión con representantes da Mancomunidade de Montes Serra do Barbanza, celebrada en Porto do Son.
Na reunión, informouse tamén dos apoios que o organismo provincial dá aos concellos a través do Plan de Medioambiente, dotado con cinco millóns de euros e destinado aos 93 municipios da provincia para mellorar o ámbito natural.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.