SANTIAGO DE COMPOSTELA | 25/08/2016 | Actualizada ás 11:56 por EUROPA PRESS
O candidato á Presidencia da Xunta por Compromiso de Galicia, Xoán Bascuas, propuxo acabar co "monopolio nas concesións da Inspección Técnica de Vehículos (ITV)" e presentar outras alternativas que permitan "unha mellora do servizo, unha maior concorrencia e xeración de emprego".
Segundo trasladou a formación política este xoves a través dun comunicado, o tamén secretario xeral fixo estas declaracións tras unha reunión con representantes da federación de asociacións veciñais de Lugo. Así mesmo, acompañárono os candidatos Juan Carlos Piñeiro Docampo e Luís Rubal.
Pola súa banda, Bascuas comprometeuse a dar cabida a "un cambio do modelo do servizo de ITV" xa que asegurou que, concretamente na provincia de Lugo, teñen a inspección "máis cara do estado". Deste modo, animou aos lucenses a que o próximo 25 de setembro voten para "cambiar as cousas".
"Lugo padece un atraso secular en comunicacións e necesita un revulsivo con xente comprometida", engadiu o candidato.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.