A CORUÑA | 26/08/2016 | Actualizada ás 13:24 por EUROPA PRESS
As actividades paralelas da programación lírica da Coruña arrancarán este luns coa proxección, ás 19,00 horas, da película de Orson Welles 'Campanadas a media noite', na sede de Afundación, segundo informa esta entidade.
A oferta audiovisual, que se prolongará ata o 12 de setembro, forma parte do ciclo de cinema organizado con motivo das actividades paralelas da programación lírica promovida pola asociación Amigos da Ópera en colaboración con Afundación.
Esta iniciativa, de asistencia libre e gratuíta, inclúe, ademais do ciclo de cinema, conferencias, proxeccións, un recital de novas voces, así como a terceira edición do curso de técnica vocal impartido por Alberto Zedda.
PROXECCIÓNS E CONFERENCIAS
En concreto, o ciclo de cinema das actividades paralelas ofrece un total de tres proxeccións, relacionadas, todas elas, coa obra do escritor inglés William Shakespeare.
Ademais da oferta cinematográfica, as actividades paralelas teñen prevista a proxección da ópera de Thomas Adès 'The Tempest', o 19 de setembro, e ofrecerán dúas conferencias, 'en torno a Falstaff', o día 1 de setembro, e 'En torno a El barbeiro de Sevilla', o día 15 do mes que vén.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.