O BNG promete "unha política de prezos xustos" para os produtores agrarios e reordenar os usos da terra

A candidata do BNG á Presidencia da Xunta, Ana Pontón, defendeu este luns a necesidade de que Galicia conta "cunha política de prezos xustos" para os produtores agrarios, así como a importancia de reordenar os usos da terra e de reorientar os cultivos por bisbarras.

Diso informou o Bloque a través dun comunicado tras a reunión de Pontón con representantes da Alianza Rural Galega, aos cales trasladou as propostas da súa formación para un desenvolvemento "sostible" do medio rural.

En canto ao lácteo, os nacionalistas avogan por crear un marco galego de negociación dos prezos do leite para que cubra, "como mínimo, os custos de produción", así como por configurar un grupo lácteo propio e grupos industriais de transformación alimentaria. Tamén promoverán circuítos curtos de comercialización e distribución.

Adicionalmente, Pontón trasladou á Alianza Rural Galega que a súa formación "priorizará" unha política de axudas directas encamiñada a "apoiar" dende o público ás persoas que viven e desenvolven unha actividade económica no medio rural.