Tres persoas resultan feridas nunha colisión múltiple en Vigo

Un total de tres persoas resultaron feridas nunha colisión entre tres coches acontecida na mañá deste martes na avenida de Madrid de Vigo.

Segundo a información da Central de Atención a Emerxencias 112-Galicia, o suceso aconteceu sobre as 10,30 horas deste martes e nel resultaron feridas tres persoas.

Ata o lugar dos feitos desprazáronse efectivos dos Bombeiros de Vigo, Policía Local, Protección Civil e Urxencias Médicas 061, que trasladaron aos feridos ao Hospital Perpetuo Socorro.