A Garda Civil pide axuda para localizar á anciá desaparecida en Trives (Ourense)

A Garda Civil emitiu este martes un comunicado para solicitar a colaboración cidadá na localización de Raquel Pérez Carballo, unha muller de 82 anos que desapareceu o pasado xoves do Centro Xeriátrico da localidade ourensana de Pobra de Trives.

O chamamento prodúcese cando se cumpre unha semana sen noticias da anciá, que padece principio de demencia, e despois de que as sucesivas batidas realizadas no municipio --nas que se empregaron cans de rastrexo-- non deran co seu paradoiro.

A muller foi vista por última vez na localidade de Castelo sobre as 11,00 horas do día 25 de agosto e no momento da súa desaparición vestía camiseta escura, pantalón estampado branco e negro e zapatos negros.