AGEe esixe a Europa que "non volva a chantaxear a ningún pobo" cos Fondos Estruturais e de Inversión

A eurodeputada de AGE en Europa, Lídia Senra, esixiu este martes á Comisión Europea (CE) durante a primeira reunión da Comisión de Agricultura e Desenvolvemento Rural tras as vacacións de verán que "non volva a chantaxear a ningún pobo" cos Fondos Estruturais e de Inversión.

Segundo trasladou o grupo de AGE en Europa a través dun comunicado, Senra pediu a palabra antes de comezar o debate sobre 'Inverter en crecemento e emprego. Maximinazar a contribución dos Fondos Estruturais e de Inversión Europea'.

Así mesmo, asegurou que hai un mes a Comisión Europea ameazou a Portugal e o Estado español con suspender estes fondos se non cumprían cos obxectivos impostos de axuste presupostario.

Neste sentido, lamentou que non se tiveran en conta a situación de crise que están a atravesar e como pode impactar eses axustes no desemprego, no medio rural, no aumento da pobreza e na exclusión social.

Por este motivo, Lídia Senra fixo un chamamento aos eurodeputados para que teñan a capacidade e a valentía de dicilo á Comisión que "non xogue, que non ameace e que non chantaxee aos pobos de Europa".