Sergio Dalma ofrecerá o sábado 1 de outubro un concerto en Santiago da súa xira 'Dalma Tour'

O cantante Sergio Dalma ofrecerá o vindeiro sábado 1 de outubro un concerto no Pazo de Congresos de Santiago, a partir das 21,00 horas, no marco da súa xira 'Dalma Tour'.

Segundo informa Cávea Producciones, tras os cheos obtidos en Vigo e A Coruña no pasado mes de maio, Santiago acollerá este "único concerto en Galicia", onde Sergio Dalma presentará o álbum número 17 da súa carreira.

"Unha vez máis Sergio Dalma volve demostrar ser un tipo valente, internándose en novos retos e aventuras, somerxéndose en territorios a priori afastados do seu rexistro para facelos seus de forma e xeito sorprendente no mellor álbum da súa carreira", explica Cávea Producciones.

Neste 'Dalma Tour' o artista ofrecerá ao seu público unha selección do seu novo álbum 'Dalma', así como temas que o acompañaron durante estes 25 anos nos escenarios.

As localidades están á venda a través de www.ataquilla.com, sedes AFundación de Galicia e www.caveaproducciones.com. A unha semana do concerto vendeuse o 74% do auditorio, o que fai prever a organización "un cheo o próximo sábado".