As 'celas' de Louise Bourgueois inspiran ao ciclo Correspondencias Sonoras do CGAC

O ciclo musical Correspondencias Sonoras volverá este martes ao CGAC de Santiago cun concerto a cargo de Vertixe Sonora Ensemble baseado nas 'celas' artísticas da exposición de Louise Bourgueois.

En concreto, Vertixe Sonora Ensemble estreará, a partir das 20,30 horas, as novas obras de cinco compositores inspiradas na colección do CGAC

Neste momento pode visitarse no Dobre Espazo do CGAC a instalación 'Cell. Arch of Hysteria', procedente da colección do Centro Andaluz de Arte Contemporánea e a cargo de Louise Bourgueois (1911-2010), unha mostra da súa serie de traballos arredor das 'celas', entendidas como cárceres pero tamén como células vivas.