Rescatado un mariñeiro tras envorcar o seu bote na costa de Carnota (A Coruña)
Un particular rescatou na mañá deste mércores a un mariñeiro que quedou atrapado baixo o seu bote despois de que a embarcación envorcase fronte á costa de Carnota (A Coruña).
SANTIAGO DE COMPOSTELA | 28/09/2016 | Actualizada ás 14:18 por EUROPA PRESS
Un particular rescatou na mañá deste mércores a un mariñeiro que quedou atrapado baixo o seu bote despois de que a embarcación envorcase fronte á costa de Carnota (A Coruña).
Segundo informou a Central de Atención a Emerxencias 112-Galicia, un particular chamou para informar da situación sobre as 9,20 horas. Os feitos tiveron lugar fronte ao lugar de Panchés, preto da praia de Insuela, onde a barca envorcou.
Da situación foron informados Salvamento Marítimo e o Servizo de Gardacostas, así como a Policía Local, Protección Civil e a Garda Civil.
O home foi finalmente rescatado por un particular que se desprazou ata o lugar cunha embarcación da súa propiedade. A vítima non precisou asistencia sanitaria.
