SANTIAGO DE COMPOSTELA | 29/09/2016 | Actualizada ás 14:45 por EUROPA PRESS
Tres detidos e un investigado é o balance de diversos operativos que levou a cabo a Garda Civil, a través do Seprona, nos últimos meses pola venda de marisco ilegal e tóxico nos municipios coruñeses de Camariñas, Laxe e Fisterra.
O primeiro operativo tivo lugar en maio en Camariñas, coa detención dunha persoa pola suposta venda de mexillón que contiña altos niveis de toxina e que causou a intoxicación de varias persoas nun restaurante.
En agosto, detívose unha persoa pola venda de mexillóns con toxicidade en Laxe nun operativo pechado o mércores desta semana, coa investigación da Garda Civil dun varón por subministrar ese marisco.
Así mesmo, o pasado 24 de setembro o Seprona de Corcubión procedeu á detención dunha persoa na localidade de Fisterra pola tenza de longueirón que excedía os niveis de toxina permitidos para o consumo humano e que se pretendía servir nun establecemento desta localidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.