PONTEVEDRA | 30/09/2016 | Actualizada ás 17:37 por EUROPA PRESS
A presidenta da Deputación provincial de Pontevedra, a socialista Carmela Silva, mostrouse "moi preocupada" pola "situación dramática" que atravesa o seu partido político e fixo un chamamento para que "se recupere o principio de fraternidade".
Facendo unha "excepción" na súa norma de non falar de asuntos de partido na institución provincial, Carmela Silva respondeu este venres en rolda de prensa ás preguntas dos xornalistas sobre a crise interna que vive o PSOE.
Así, ante o comité federal que se vai desenvolver este sábado, 1 de outubro, ao que asistirá, fixo un "chamamento" a un "debate sereno" e para que se abandone "a política de trincheiras" e "se recupere o principio de fraternidade". "Espero que sexa o primeiro paso para volver facer forte ao Partido Socialista", indicou a presidenta provincial.
Carmela Silva reclamou que se defendan as distintas posicións "con argumentos políticos", que se abandonen as descualificacións que durante os últimos días están a manifestar os diferentes dirixentes a través dos medios de comunicación e que se leve a cabo unha "reflexión profunda".
A socialista pediu tamén "unha análise sobre os motivos polos que perde apoio electoral" o Partido Socialista e animou a que se defina "un proxecto claro" para España, indicando que "cando o PSOE non se atopa con estabilidade, o país sofre muchísimo".
Silva engadiu que, nestas situacións, "sempre gaña a dereita" e se referiu aos resultados electorais dos últimos comicios en Galicia e no País Vasco. Neste sentido, indicou que en Galicia se atopan por debaixo do 18 por cento dos votos "e esa situación rematan por sufrila os galegos", apuntando que "todo o bo" que lle pasou a España en materia de sanidade, educación ou dereitos "foi cando o PSOE se atopaba forte".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.