Morre o pasaxeiro dun autobús que circulaba por Caldas de Reis

Un home faleceu na tarde deste venres mentres viaxaba en autobús por Caldas de Reis (Pontevedra). Foi o condutor o que se decatou de que había unha persoa inconsciente sobre as 17,00 horas.

Segundo informa o 112 Galicia, polo momento descoñécense as causas do falecemento. Foron mobilizados sanitarios de urxencia, pero cando chegaron ao autobús a persoa xa estaba falecida.

Tamén se pediu a colaboración dos axentes da Garda Civil, dos membros do GES de Valga e dos voluntarios de Protección Civil de Caldas.