Ferido un home tras sairse da vía co seu coche, que deu varias voltas de campá

Un home tivo que ser trasladado pola ambulancia ao hospital como consecuencia dun accidente de tráfico no que, tras sairse da vía co seu coche, este deu varias voltas de campá.

Se ben, segundo datos do 112, o condutor abandonou o vehículo polos seus propios medios, unha vez fóra chegou a perder o coñecemento.

O suceso aconteceu sobre as 5,00 horas na N-550, na variante de Caldas de Reis en sentido Pontevedra.