Varios grupos ourensáns participan esta fin de semana no Festival da Máscara de Zamora

O VIII Festival da Máscara de Zamora, organizado polo Padroado Provincial de Turismo da deputación zamorana, reúne esta fin de semana a máis de 400 persoas que forman parte das 30 mascaradas que se desprazarán á capital, chegadas dende diferentes puntos de España e de Portugal. Entre elas, figuran tres grupos ourensáns.

Dos grupos participantes, nove son as mascaradas zamoranas: A Filandorra Ferreras de Arriba, a Vaca Bayona Almeida, o Zangarrón Sanzoles; os Carnavais Villanueva de Valrojo, o Atenazador de San Vicente de la Cabeza, a Danza do Paloteo de Tábara, os Cencerrones de Abejera, o Zangarrón de Montamarta, e a Visparra de San Martín de Castañeda.

A eles súmanse 14 chegados de Portugal: Caretos de Salsas, Caretos de Ousilhão, Caretos de Vila Boa de Ousilhão, Caretos de Grijó de Parada, Diabo, Morte e Censura, Caretos de Parada, Caretos de Aveleda, e Caretos de Varge, de Braganza; e Chocalheiro de Bemposta, Careto de Valverde, Velhos de Brucó, Velho Chocalheiro de Vale de Porco, Farandula de To, e Gateiros 'Os Chuços'', de Mogadouro.

Os Sidros e a Comedia de Valdesoto (Asturias), Los Jurrus de Alija do Infantado (León), La Fiesta de La Vaquilla de Fresnadillas de La Oliva (Madrid), Las Carantoñas de Acehúche (Cáceres), Los Troteiros de Bande (Ourense), As Bonitas de Sande (Ourense) e El Fulión e os Boteiros de Viana de Bolo (Ourense), completan as mascaradas chegadas do resto de España.

Todos participarán no desfile programado para este sábado, 1 de outubro, con saída ás 18,00 horas dende o Parque de La Marina, para continuar por Santa Clara ata a Praza Maior e finalizar o Praza de Viriato, fronte á Deputación, lugar no que se realizará unha presentación de cada unha das 30 mascaradas participantes no Festival.

Entre as actividades paralelas programadas destaca a conferencia 'A Arte de Vestir e Maquillar na Máscara' a cargo de Bernardo Calva Briosa, este venres ás 20,15 horas na Sala de Conferencias do Colexio Universitario, na que os asistentes poderán ver como se confecciona o traxe do Zangarrón de Montamarta con todas as peculiaridades e detalles que leva consigo.

Ao mesmo tempo, durante a mañá do sábado na Praza de Viriato desenvolveranse talleres infantís de elaboración de máscaras, entre as 12,00 e as 13,00 horas, para finalizar cun cuentacuentos de instantes con Cervantes.

Un concerto do grupo Mayalde, na Praza de Viriato a partir das 20,00 horas, porá o colofón ao VIII Festival da Máscara de Zamora.