Unha parella de Padrón quere chamarlle Escolopendra á súa filla
A parella recibiu unha comunicación do rexistro civil de Padrón na que lles negaban a inscrición da súa filla co nome escollido por eles.
Por GcToday | Padrón | 18/10/2016 | Actualizada ás 15:00
Segundo indica a notificación o nome pode ser ofensivo ou prexudicial para a pequena e lle recomendaba un nome moito máis bonito e que non lle causara danos psicolóxicos como Dolores ou Encarnación.
O cura da parroquia padronesa de Carcacía xa avanzou que se negaría a bautizar unha Escolopendra e que soamente aceptaría tal encomenda se lle chaman María Escolopendra posición que foi ratificada polo arcebispado de Santiago de Compostela.
A polémica lembra á que aconteceu este verán cos pais que tiveron problemas para inscribir ao seu fillo co nome de Lobo e converteuse nunha odisea que pasou por unha recollida de sinaturas na plataforma Change.org e o caso rematou no xulgado que, finalmente, permitiu que o rapaz puidese ser inscrito co nome que escolleron os seus pais.
Os pais galegos xa se puxeron en contacto coa parella madrileña e xa comunicaron á prensa que foron asesorados dos pasos legais e xurídicos que deron eles na súa victoria contra o sistema.
