O Bloque vese con forzas para ser a alternativa a Feijóo

O BNG celebrou este sábado os resultados das eleccións autonómicas. Non como se fosen os dunha vitoria, pois os nacionalistas perderon un representante, pero si con certo grao de satisfacción.

Pontón: "Queremos que o BNG emerxa dentro de catro anos como a alternativa que consiga derrotar a dereita"

Por Galicia Confidencial | Santiago de Compostela | 16/10/2016 | Actualizada ás 14:37

Ana Pontón considera que os resultados do 25S “son un paso adiante para a consolidación do proxecto nacionalista, vento nas nosas velas que nos ten que permitir avanzar cara o noso obxectivo: unha Galiza dona do seu futuro, próspera, con igualdade, liberdade e vida digna”. A voceira nacional da fronte fixou como obxectivo que o BNG sexa a principal alternativa ao PPdeG nas próximas autonómicas.

Acto de agradecemento á militancia e de presentación dos seis deputados

Durante un acto de celebración ante medio millar de militantes e simpatizantes para a presentación do grupo parlamentario no Parque de Belvís en Santiago, prometeu traballar dende xa para “para liderar a alternativa que sitúe ao Bloque como referencia do cambio que máis cedo que tarde vai producirse na Galiza”.

Na súa alucución Pontón non realizou ningún ataque contra as mareas ou o PSdeG. Todos os seus dardos foron dirixidos contra Alberto Nuñez Feijóo.

“Feijóo debe dicir se está do lado de Galiza ou do lado do PP e dos intereses da grande banca e das construtoras madrileñas”, sinalou. A nacionalista argumenta que o presidente da Xunta debe aproveitar a súa próxima cumbre coa presidenta de Madrid para garantir que “non se vai destinar nin un só euro dos galegos e das galegas para rescatar esas nefastas autoestradas madrileñas”. A fronte insitiu unha vez máis na necesidade de rescatar a AP9.

Noticias relacionadas

Pontón: "Queremos que o BNG emerxa dentro de catro anos como a alternativa que consiga derrotar a dereita"

10 Souto

So dicervos que acértachedes de pleno nas dúas campanhas electorais. Con Carlos Calhón, ainda que non tocara nese momento ir a Madrid e con Ana Pontón. Fixéchedes unha cousa magnífica, propia de xente que sabe, cando menos, para mín. Sitúar a Galiza na vangarda social e política fronte as demais formacións. Facianos moita falha. Xa sabedes, o da autoestima e complexos varios. De exemplo Fernán Vello. Moi ben polo BNG. Eu xa o sabía. Pero a meirande parte dos galegos non sabían que aquí tamén sabiamos estar na vangarda. Douvos un 10.

1 Souto

Non é que souberamos estar na vangarda. É que viviamos na vangarda. Vós, o que fixéstedes foi que nós deixáramos de ser invisíbeis. Grazas. Muito obrigado.

9 Galego

Estades desexando que desapareza o nacionalismo galego e valevós calquer tontería para críticalo, seguiremos loitando porque Galicia nom se diluia e perda a súa cultura, economía, Benestar, paisaxe... Dentro do estado español como queren algúns, viva Galiza sexa dentro do estado español ou fora si chega a ser necesario.

1 Comunista

A ver, unha cousa é o nacionalismo galego e outra é o BnG. Non son o mesmo por moito que volo repitan os coroneis na cataquese blocalla. O día no que vos decatedes dalgo tan básico coma isto ides ser máis útiles pra Galiza e, sobretodo, máis felices.

2 Daiwa

Comunista, non mintas, ti desde as elecións estás moi disgustado. O pior está por vir compañeiro. Vai aforrando vágoas de crocrodrilo...

3 Galego

Comunista cada día coinciden máis con nostrus, nom serás bipolar.

8 O que hai que ouir

O Bloque debe estar a facer as cousas ben cando Facha-Nostrus e o resto de "Galegos-españois de Bien" coinciden nos seus comentarios.

7 Canutosnocivos

A seita upegalla delira, sen dúbida froito do seu enfermizo illamento e do consumo de todo tipo de sustancias nocivas. Unha cousa é que non desaparecesen dunha vez - cousa que todo galego honrado ve positiva - e outra moi distinta que se crean qu teñen futuro. Salvaron os mobles grazas a que o alternativas PSOE-Podemos non tiveron candidato ata dous meses antes, e que estes eran totalmente descoñecidos, pero eles puxeron a Pontona, unha loba upegalla e con pel de cordeiro, fiel monicreque de Bautista, Paco, Nestor e Pilar, sen máis oficio que a política, pero bastante coñecida. Con todo non son máis que un grupo marxinal, totalmente desconectado da realidade galega.

6 nostrus

"O Bloque vese con forzas para ser a alternativa a Feijóo". Despois desta sesuva vision podemos chegar a varias conclusions: 1º que o bloque sufra dunha enfermidade mental transitoria ou permanente similar a que sufren os anorexicos que se ven gordos inda que estean como fios, 2º que ao bloque o enganen como incautos e que eles o crean, 3º que o bloque minta, cousa bastante probable debido a sua aficion pola mentira constante ao pobo galego, 4º que as aspiracions do bloque sexan ir a menos en vez de a mais 5º que o bloque pretenda ser simpatico 6º que o bloque tome por t*nto ao pobo galego. BNG e sinonimo de fanatismo e atraso ao mesmo tempo.