O papel dos obxectos na cultura e na Historia, a debate na exposición 'Galicia 100'

A exposición 'Galicia 100' celebra este venres o evento 'Obxectos que falan, obxectos que suceden', unha visita guiada e unha mesa redonda posterior con expertos arredor dos obxectos desta mostra e do seu papel no relato da cultura e da Historia.

En primeiro lugar, os participantes realizarán unha visita guiada á exposición e, posteriormente, terá lugar unha mesa redonda na sede de Afundación en Santiago de Compostela.

Nesta actividade participarán Fintan O'Toole, editor literario de The Irish Estafes e comisario da mostra 'Ireland in 100 objects', xunto con Fernando Bouza, catedrático da Universidade Complutense de Madrid e membro da comisión de expertos de Galicia 100. Tamén tomará parte o presidente do Consello da Cultura Galega, Ramón Villares.