Francisco Rodríguez recoñece que o BNG contou con “oportunidades mediáticas” nas autonómicas

Destaca a valía da nova voceira nos resultados e suliña que “o nacionalismo existe”, aínda que critica a “españolidade” dos galegos.

Por Galicia Confidencial | A Coruña | 25/10/2016 | Actualizada ás 10:00

Comparte esta noticia

O ex dirixente do BNG e ex lider da UPG, Francisco Rodríguez, recoñece nun recente artigo publicado no Terra e Tempo –o voceiro oficial da Unión do Povo Galego-- que o BNG gozou nesta campaña electoral das autonómicas de “oportunidades mediaticas”, grazas a que contou “cunha portavoz adecuada”, en alusión a Ana Pontón.

Francisco Rodríguez Sánchez
Francisco Rodríguez Sánchez

“É verdade que, neste caso, tivemos a sorte de contar coa portavoz adecuada para enfrontar unha situación crítica, que aproveitou moi ben a oportunidade mediática coa que, conforme ás regras de xogo vixentes, contou”, escribiu no artigo “Que nos pasa?”, no que sinala que “o nacionalismo galego existe, tanto como a orfandade de Galiza é manifesta”.

Rodríguez sempre foi moi crítico coa visión que os medios de comunicación deron do BNG. De feito, durante a ruptura desta formación no 2012, que deu lugar a aparición de Anova, Compromiso e outras formacións, Rodríguez criticaba tamén no Terra e Tempo as “caricaturas, prexuízos e manipulacións perfectamente orquestadas por algúns medios de comunicación”, en clara alusión a La Voz de Galicia. Este medio, xunto con outros, tiveron, sen embargo, nesta campaña unha postura completamente diferente co Bloque que é a que, en parte, alude o propio Rodríguez que mesmo chegou a escribir artigos de opinión no xornal de Santiago Rey.

No seu artigo, o ex líder da UPG destaca os resultados do BNG e suliña que a mensaxe nacionalista e a súa voceira “prendeu lume así nunha mecha que conectaba cun sector social proclive a sentir e pensar en clave de país”. “Reavivouse a chama que ardía nos seu peito e na súa cabeza, mobilizándose en porcentaxe relevante a prol da causa da crenza na nosa capacidade como pobo e na necesidade de nos responsabilizar de nós mesmos. Triunfouse contra o desánimo e o derrotismo”, engade.

De feito, para Rodríguez o BNG comeza xa a saír do seu “via crucis electoral” logo de quedar fora do Congreso e do seu espectacular descenso nas pasadas municipais. “O resultado das eleccións autonómicas últimas chafou as profecías, convertidas case en realidade por infumábeis enquisas, da desexada desaparición e feliz ruína do nacionalismo galego. Por fin albiscaban a posibilidade dunha Galiza totalmente anónima, inexistente, absorbida, asimilada, sen o menor perigo, remoto sequera, de molestar a madre España”, apunta.

Críticas á “españolidade” dos galegos

Sen embargo, Rodríguez critica tamén a “españolidade” dos galegos e galegas porque é “esperpéntica” e “deforma e ridiculiza como un produto de imitación, e de renuncia a ser o que somos”. “Mirémonos dentro, e tamén fóra, especialmente na emigración americana, e constataremos  que esas manifestacións de españolidade  van sempre en detrimento e anulación de Galiza. Moitos galegos e galegas pensan que son alguén grazas a España, non por nós, por eles propios. Acabamos  así sendo o país que nunca existiu, o facilmente prescindíbel”, indica.

Con todo, e a pesar diso, destaca que o nacionalismo galego “existe”, “tanto como a orfandade de Galiza é manifesta”. “Traballemos co criterio de que non tivemos só un problema electoral. Pasamos e estamos a pasar pola agudización dun proceso de dependencia, subordinación e asimilación, en todas as ordes. De aí provén a miseria, o caos e a confusión na que seguimos vivindo. Non foi pequeno mérito sobrevivir politicamente. Porén saibamos que necesitamos tanto a lexitimidade electoral como actuar con obxectivos económicos, sociais, políticos, ideolóxicos, culturais, e psicolóxicos mesmo, que favorezan a toma de conciencia do pobo galego sobre si mesmo”, conclúe.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 23 comentarios

18 Chofer para villares

O titular mente. Dixo "oportunidade mediática" referindose ao debate no que a candidata expuso o seu programa mentres os pequenos cambiapartidos lían. No resto tiveron que recortar vídeos porque se pasaban 1 segundo dos exixidos pola lei para a TVG.

17 Ana

Se o candidatos das Mareas de Podemos e o do PSOE son desconhecidos, medíocres, semellante física e quimicamente, non é difícil que destacara Ana Pontón. Enriba se La Voz e CRTVG a empoleiran para que non destaque o mareante, con intención de asegurar a maioria para o PP. Apostar polo perdedor é a maneira de asegurar a vitória para o que vai ganhando. Non interpretar deste xeito a actuación dos médios e os resultados mostra a escasa capacidade de análise que tenhen os patriarcas do nacionalismo galego. Así nos vai: ganhamos no BNG baixando votos e deputados, sen tocar fondo, porque os inimigos das Mareas non acadaron a presidencia. Grandes, moi grandes navalladas!

16 FUN_EU

Home! vendo como o contido do artigo desminte o título, o de "oportunidades mediáticas" ven sendo o pulo que lle dan ás mareas neste xornal. Porén o importante para o BNG foi o debate ( que eu dende logo non vin tan esmagante por parte de Ana Pontón, senon que vin sair ao F. vivo dél) e isa si que foi unha oportunidade mediática que antes non houbo; se os demáis non a souberon aproveitar, Ana (segundo moitos din) si. Mérito dela dende logo, pero tamén hai que valorar que os que a precederon non tiveron esas oportunidades, e algún (coma Jorquera cando estivo en Via V e non soubo respostar ao das enquisas sobre a importancia dada polos galegos aos asuntos lingüísticos relativamente baixa en comparanza co emprego, a corrupción etc.) non as soubo aproveitar e defender.

15 UN QUE SABE

Foi notorio o esforzo de LaVOZ e a CRTVG para que o BNG non desaparecera. A lóxica é cruel: evitar que esos votiños foran ás Mareas. E tamén que, de seguir vivos, poden ir amortizando a hipoteca que deixou Beiras....

14 Escachapedras

Ás voltas co "efecto Pontón". Seguen na mesma. Se non fora porque Villares é un petardazo de candidato e o Iglesias escarallou a campaña das Mareas na última semana, hoxe estaríades todos na cola do paro.

1 Si ho

Se a campaña chega durar unha semana máis Billares non estaria en condiciones de pedir cartos pola campaña nin chofer nin secretario mordomo nin nada