Os deputados do PP na Deputación de Lugo e o alcalde de Becerreá forzan un pleno extraordinario

Os doce deputados do PP na Deputación de Lugo e o non adscrito, Manuel Martínez, forzarán a convocatoria dun pleno extraordinario, ao rexeitar este martes debater os puntos incluídos na sesión ordinaria.

LUGO | 25/10/2016 | Actualizada ás 17:31 por EUROPA PRESS

Comparte esta noticia

Os doce deputados do PP na Deputación de Lugo e o non adscrito, Manuel Martínez, forzarán a convocatoria dun pleno extraordinario, ao rexeitar este martes debater os puntos incluídos na sesión ordinaria.

Na sensión, a popular Elena Candia e Manuel Martínez obxectaron que non se cumpría cos acordos plenarios, mesmo o deputado non adscrito, expulsado do PSOE, anunciou que renunciaba a cobrar as "axudas" de custo de asistencia a este pleno dedicado na súa maioría a mocións que só contaron coas intervencións dos socialistas, que gobernan en minoría con dez deputados, e dos dous deputados nacionalistas.

No PP xustificaron que o rexeitamento que se facía "en sinal de protesta por non poder someter a aprobación a iniciativa na que se pedía que Suplusa (Sociedade Urbanística Provincial de Lugo S.A.) asumise a encomenda da xestión para a construción das residencias (para a terceira idade) de Becerreá, Portomarín e Folgoso do Caurel".

Candia aproveitou a súa primeira intervención para anunciar que forzarán a convocatoria dun pleno extraordinario onde se aborden as residencias e os quince puntos incluídos na orde do día deste martes, ao que se adheriu Martínez.

Así que as mocións tratadas foron rexeitadas, entre outras a dos socialistas relacionada co impulso "da modernización e mellora dos servizos ferroviarios na provincia de Lugo" que defendeu o deputado Eduardo Vidal e na que puxo de manifesto que a provincia "queda fóra da mellora das infraestruturas ferroviarias". Os populares e Martínez botaron abaixo esta iniciativa.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta