Por Galicia Confidencial | Santiago de Compostela | 25/10/2016 | Actualizada ás 22:28
A Asemblea Extraordinaria da Coordinadora Galega de Equipos de Normalización Lingüística asinou a acta defunción deste colectivo o 23 de setembro. Dende o Consello Directivo en funcións relatan que ninguén se presentou para asumir a dirección polo que na Asemblea votouse a non continuidade da CGENDL.
A partir deste momento non haberá unha coordinación entre os mestres e funcionarios públicos que traballan neste eido. Con todo, a páxina web seguirá activa ata decembro de 2017.
A Coordinadora Galega de ENDL (Equipos de Normalización e Dinamización Lingüística) naceu en 2009 e era un dos organismos máis relevantes no debate sobre a lingua. Estaba formada por equipos de centros públicos, privados e concertados, e presumía contar con "persoas de ideoloxías moi plurais, unidas por un mesmo ideario lingüístico: o galego é a lingua propia de Galicia, tal e como di o Estatuto de autonomía".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.