O 38º Congreso da Sociedade Española de Médicos de Primaria reunirá en Santiago a 4.000 facultativos

Máis de 4.000 médicos de Atención Primaria reuniranse en Santiago do 26 ao 29 de outubro no marco do 38º Congreso Nacional da Sociedade Española de Médicos de Atención Primaria (Semergen), baixo o lema 'A Atención Primaria, un camiño para percorrer cos nosos pacientes'.

Nesta edición, o encontro superou todas as marcas anteriores, con máis de 3.500 comunicacións rexistradas e un centenar de talleres previstos. No congreso, ademais, presentarase unha vintena de proxectos de investigación en Atención Primaria.

As enfermidades crónicas, motivo do 80 por cento das consultas en Primaria, e as novidades científicas dos procesos máis comúns, estarán presentes no Congreso, así como o papel do médico de familia na coordinación da atención á cronicidad e na sostenibilidade do sistema sanitario.

Tamén se abordará o inicio do proceso polo que os médicos de familia terán que acreditar as súas competencias a partir de 2017.