MADRID | 26/10/2016 | Actualizada ás 20:46 por EUROPA PRESS
A voceira de En Marea no Congreso, Alexandra Fernández, cargou este mércores contra PP, PSOE e Ciudadanos, unha alianza a que a bautizou como "a grande coalición do partido único e da España unha, grande e libre", porque vai investir de novo como presidente do Goberno a un Mariano Rajoy "ao que xa ninguén cree".
Así pronunciouse Fernández na Cámara Baixa tras escoitar o discurso co que Rajoy inaugurou o terceiro debate de investidura deste ano e no que, segundo denunciou, o líder de PP volveu presentarse como "ou eu ou o caos" dunhas "terceiras eleccións".
Tras recriminar a Rajoy que haxa intentando presentar a corrupción que afecta ao seu partido como uns "meros hilillos" cando a realidade é que se está a sacar "chapapote de diñeiro negro a chorros" no seu partido, a voceiro de En Marea deixou claro que a súa formación fará unha "oposición dura".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.