Xián Lois Alcayde Dans presenta en Santiago 'Camiños na sombra', obra gañadora do Concurso 'Balbino' de Relatos

O Pazo de San Roque de Santiago acollerá este xoves a presentación da obra gañadora do I Concurso 'Balbino' de Relatos, 'Camiños na sombra', nun acto que contará coa presenza do seu autor, Xián Lois Alcayde Dans.

A obra deste mozo, estudante de xornalismo, foi elixida polo xurado do premio de entre os 30 orixinais presentados ao concurso pola súa "orixinalidade, calidade e modernidade".

O Concurso 'Balbino' de Relatos está dotado cun premio de 1.500 euros e a publicación do libro gañador, que está editado por Edicións Fervenza.