Unha manda de xabarís desfila polo centro de Cambre escoltada pola Policía

Até oito xabarís atravesaron na noite do xoves, sobre as 23.30 horas, a zona urbana de O Temple, no municipio de Cambre (A Coruña).

Por E.P. | Cambre | 28/10/2016 | Actualizada ás 14:03

Comparte esta noticia

Unha manda de xabarís atravesou esta pasada noite, sobre as 23,30 horas, a zona urbana de O Temple, no municipio de Cambre (A Coruña), segundo informa o Concello.

Xabarís polo centro de Cambre
Xabarís polo centro de Cambre | Fonte: José Ramón Riobóo.

Tras recibir as chamadas de varios cidadáns, a Policía Local desprazouse ao centro de O Temple. Á súa chegada, comprobaron como até oito animais desta especie "paseaban polas beirarrúas e parques públicos con total normalidade".

Un vehículo da Policía conduciu os animais ata unha zona de monte que limita co termo municipal de Oleiros. Os xabarís chegaron a cruzar a N-VIN, onde se lles perdeu a pista.

O goberno local recorda que non é a primeira vez que se avistan estes animais na zona. Por iso, solicita á Xunta que estableza medidas "que evitan que os animais salvaxes accedan unha zona urbana na que viven máis de 8.000 veciños de Cambre".

Temas: CAMBRE XABARIL
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta