Entrevista co galego que loitou contra o Estado Islámico

“Arges Artiaga” é un nome de guerra. Detrás del está un traballador galego que loitou coa YPG, as Milicias de Proteción Popular, o grupo kurdo de ideoloxía de esquerda que detivo o avance do autodenominado Estado Islámico no Norte de Siria. As YPG son o principal compoñente das SDF, a coaliciónd e kurdos e algúns árabes que liberou Kobane e acaba de anunciar unha ofensiva para tomar Raqqa, a capital de facto do califato.

Por Galicia Confidencial | Castro Urdiales | 07/11/2016 | Actualizada ás 13:56

A popular canle de noticias por internet Vice entrevistouno este ano. Nesta conversa o ex-combatente -con formación militar en España e Francia- relata as motivacións de persoas como el, occidentais que, malia a oposición dos seus gobernos, acoden en defensa dos seculares kurdos.

Ao seu retorno a España, a Xustiza abriu unha causa contra el polo asasinato de 28 combatentes inimigos. O preito acaba ser arquivado, pero é unha clara mostra da política dos estados de occidente, contrarios a que os seus civís participen na loita que, por outra lado, apoian mediante as súas forzas aéreas militares.