Pablo Isla, único español na lista 'Fortune' dos mellores 50 empresarios do mundo
A decisión coñécese despois de que fora cualificado tamén terceiro mellor conselleiro delegado do mundo pola revista 'Harvard Business Review'.
Por E.P. | A Coruña | 11/11/2016 | Actualizada ás 11:18
O presidente de Inditex, Pablo Isla, aterrou como único español na lista dos 50 mellores empresarios do ano de todo o mundo realizada pola revista estadounidense 'Fortune', liderada por polo conselleiro delegado de Facebook, Mark Zuckerberg.
A entrada de Isla no ranking de 'Fortune', no que ocupa o posto 26, coñécese despois de que fora cualificado tamén terceiro mellor conselleiro delegado do mundo pola revista 'Harvard Business Review'.
Completan o 'top five' da lista 'Fortune', ademais do fundador de Facebook, o conselleiro delegado de Amazon, Jeff Bezos, e os máximos responsables de Ulta Beauty, Mary Dillon; de Alphabet, Larry Page; e de Microsoft, Satya Nadella.
Por detrás colócanse os conselleiros delegados de Intuit, Brad Smith; de Nvidia, Jen Hsun Huang; de Didi Chuxing, Cheng Wei e de Monster Beverage, Rodney Sacks, así como o presidente de executivo de Alibaba, Jack Ma.
