Por Galicia Confidencial | MADRID | 17/11/2016 | Actualizada ás 10:37
Os ceos estarán este xoves, 17 de novembro, practicamente despexados nunha xornada na que as máximas roldarán os 20ºC, mentres que A Coruña estará en alerta amarela (risco) por ondas, segundo a predición da Axencia Estatal de Meteoroloxía (AEMET).
A axencia estatal puxo en alerta amarela toda a costa da Coruña para este xoves, debido ao vento e as ondas no litoral herculino.
O venres haberá que ter máis coidado co tempo, sobre todo na costa. A situación dunha borrasca ó norte das Illas Británicas envía a Galicia ondas de mar de fondo que superarán os 5 metros. Así, haberá alerta amarela nas Rías Baixas por mor das ondas. No resto da costa do país o nivel da alerta será laranxa. As alertas prolongarase durante todo o venres.
A situación empeorará aínda máis o sábado. Ese día case todo o interior do país estará en alerta amarela por mor do vento. As alertas comezarán a primeira hora da mañá nas zonas máis próximas a costa. Nas comarcas do interior, a alerta chegará máis tarde. Por exemplo, en Ourense comezará cara as 13 horas do sábado.
O sábado na costa continuará as mesmas alertas co venres, amarela nas Rías Baixas con períodos de laranxa no resto. As ondas chegarán aos seis metros e os ventos a forza 8, superando os 70 quilómetros hora.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.