Temas: FEIJóO URUGUAI

Feijóo quere que Uruguai exporte a "estabilidade" do seu modelo político

O presidente galego oferta "seguridade xurídica", "solvencia", "coñecemento" e "experiencia" para que as empresas galegas invistan en Uruguai.

Por Galicia Confidencial | Compostela | 30/11/2016 | Actualizada ás 11:41

Comparte esta noticia

O xefe do Executivo galego, Alberto Núñez Feijóo, vendeulle este mércores o modelo político e económico do seu goberno ao presidente da República Oriental do Uruguai, Tabaré Vázquez. Por iso, ofreceulle a "estabilidade" política de Galicia e a das súas empresas para executar o plan de investimentos que ascende a uns 12.370 millóns de dólares (un terzo executarase por colaboración público-privado) e que os representantes do país de ultramar han decido presentar este mércores en Santiago de Compostela.

Feijóo co presidente de Uruguai, Tavaré Vázquez
Feijóo co presidente de Uruguai, Tavaré Vázquez | Fonte: EP

"Tes aquí a estabilidade política", reivindicou o mandatario autonómico na súa intervención, que precedeu a do dirixente uruguaio, quen detallou a situación dos seus sectores económicos, como as renovables, coas que se xera o 96 por cento de enerxía eléctrica.

Feijóo observou que Galicia é "o mellor lugar" para presentar o plan de investimentos pola súa situación política, en relación a que é a única Comunidade onde se goberna unha maioría absoluta, sumado a que tampouco a ten o Executivo central.

É máis, Feijóo non dubidou de que os "empresarios" presentes no almorzo informativo, organizado pola Confederación de Empresarios de Galicia (CEG), "poden executar a totalidade do plan", aínda que recoñeceu que non é algo que "corresponda" a Galicia. "Pero gustaríanos colaborar con vostedes", apostilou, antes de certificar a "estabilidade" das empresas galegas.

Durante o seu discurso, Feijóo tamén se referiu a que "a apertura" mundial que se levou a cabo no ámbito das relacións internacions no último século "está a sufrir reveses", cun "auxe do movemento" que aposta por "endurecer fronteiras" e "impregnar de desconfianza" este ámbito. "Preocúpanos, pero incentívanos", dixo Feijóo, quen ofertou "seguridade xurídica", "solvencia", "coñecemento" e "experiencia" de Galicia e das súas empresas.

O mandatario autonómico tamén reivindicou que "os galegos saben cumprir e teñen palabra" e "saben que non poden gastar máis do que se ten e que hai que pagar o que se debe". "Confíe nos galegos", invitou Feijóo, quen suliñou que "salvo o Atlántico, todo o demais nos une".

Temas: FEIJóO URUGUAI
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta