Detida en Vigo unha muller acusada de usurpar a identidade doutra persoa para vender obxectos roubados

Unha muller, con identidade S.S.M. e nacida en 1978, foi detida en Vigo acusada de usurpar a identidade doutra persoa para vender obxectos que supostamente foran roubados.

Segundo explicou a Policía Local, a arrestada, á que se lle acusa dun delito de usurpación de identidade, tiña documentos "subtraídos a diversas persoas", cos que intentou vender un teléfono móbil nunha casa de compra e venda.

Precisamente, foi o responsable deste establecemento situado no número 82 da rúa Urzaiz quen chamou aos axentes dado que, momentos antes, tivera coñecemento a través da Policía Nacional de que unha persoa "intentaba vender obxectos con documentación que non era súa", apuntou a Policía Local.

No momento do arresto, conforme engadiu a policía, a muller tiña na súa posesión un teléfono móbil, varios documentos doutras persoas e mesmo as chaves dun turismo da marca Renault.