As confrarías celebrarán unha xornada este sábado para informar ao sector sobre o veto a descartes

A Federación Galega de Confrarías celebrará este 10 de decembro, sábado, unha xornada para informar ao sector da normativa europea de eliminación dos descartes -capturas non desexadas que se devolven ao mar-.

Esta cita terá lugar entre as 10,30 e as 14,30 horas na sede da Federación, en Ames (A Coruña), co fin de explicar como afectará esta obriga de desembarque "no día a día", nunha obriga que se aplicará de forma progresiva.

Para iso, invítase a todos os armadores que queiran participar a esta xornada, que atenderá a dúbidas e preguntas sobre a correcta aplicación da normativa.