Pablo Iglesias une aos críticos do PSOE en Galicia
Unha das promotoras da manifestación pacífica 'A revolución das rosas' ante a sede do PSOE en Madrid liderou o acto de homenaxe ao fundador do PSOE.
Por Galicia Confidencial | Ferrol | 10/12/2016 | Actualizada ás 13:00
Os críticos a actual xestora socialista tamén se mobilizan en Galicia. Este venres, 91 anos despois da morte do fundador do PSOE, Pablo Iglesias, un grupo de militantes decidía realiar un pequeno acto comenmorativo en Ferrol, onde naceu o líder político.
Estte grupo de militantes do PSdeG-PSOE, en representación do movemento La Revolución de las Rosas, achegouse ao monolito de Pablo Iglesias no Cantón de Molins de Ferrol, a súa cidade natal. O grupo estaba liderado por Aida Loira, unha das promotoras de dito movemento, que depositou unha rosa vermella, símbolo do Partido, ao pe do monumento.
Previamente, dirixiu unhas palabras aos asistentes recordando a importancia da mensaxe do fundador do PSOE e da UGT na liña da defensa das liberdades individuais e colectivas, así como suliñou o orgullo de ser socialista "neste tempo convulso de volta ás loitas xa gañadas hai tempo e que hoxe nos vemos na obriga de reivindicar".
Este acto coincidía con outra homenaxe que os dirixentes do PSOE, con Javier Fernández ao fronte, realizaban ante a tumba de Pablo Iglesias, en Madrid e na que o novo líder da xestora tamén tivo que escoitar algúns berros críticos de parte dos asistentes.
