OURENSE | 10/12/2016 | Actualizada ás 19:13 por EUROPA PRESS
O corpo sen vida dunha moza foi localizado este sábado cando flotaba na auga nun río da localidade ourensana de Lobios, de onde tivo que ser rescatado.
Segundo informou o CAE 112 Galicia, foron uns particulares os que atoparon este sábado as pertenzas da moza, duns 20 anos, ao lado do río.
Os alertantes chamaron o 112 Galicia ás 12,20 horas deste sábado. Segundo indicaron, dende a súa posición podían ver o corpo da moza na auga.
Os feitos aconteceron preto do lugar coñecido como Ponte da Malleta. O persoal do Centro de Atención ás Emerxencias informou enseguida a Urxencias Sanitarias de Galicia-061 e ao GES de Lobios. Tamén se alertou a Policía Autonómica e a Guardia Civil.
O cadáver da muller foi rescatado polos efectivos do GES desprazados ata a zona.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.