O ERE de Segur Ibérica afectará a 453 traballadores

O sindicato USO denuncia que aínda faltan por aboar salarios de outubro e novembro a parte do persoal e revela que a venda da empresa aínda non está pechada.

Por Galicia Confidencial | Santiago de Compostela | 14/12/2016 | Actualizada ás 16:41

Comparte esta noticia

Na reunión do ERE en Segur Ibérica que tivo lugar este martes, por parte dos representantes dos traballadores, púxose de manifesto que aínda faltan por aboar salarios dos meses de outubro e novembro a parte do persoal da empresa, polo que esixiron o "pagamento inmediato destes salarios que están pendentes".

Protesta de traballadores de Segur Ibérica en Oleiros
Protesta de traballadores de Segur Ibérica en Oleiros | Fonte: Europa Press.

O sindicato USO manifesta que "a totalidade do persoal afectado son 4.713 traballadores a día de hoxe, dos cales 833 están pendentes de subrogar a outras empresas en datas próximas, e 3.427 son persoal subrogable, sendo 280 os que non están adscritos a ningún servizo e 173 persoal de estrutura".

Por tanto, indica a USO, o ERE afectará a 453 traballadores, (os 280 non subrogables e os 173 de estrutura) e xa non afectará á totalidade dos traballadores do persoal.

Ademais, infórmase que "xa se admitiu a tramite o concurso de acredores solicitado, estando a compañía á espera da designación de Administrador Concursal e que en está reunión non se profundou sobre a venda da empresa, polo que esta cuestión aínda non está pechada".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta