Por GC Tendencias | Vigo | 23/12/2016 | Actualizada ás 15:00
Nas cidades de Vigo e Pontevedra haberá versións do gran concerto de aninovo , de Johann Strauss, da man da Strauss Festival Orchestra e a compañía Strauss Festival Dance Ensemble. As entradas xa están dispoñibles a través de www.Ataquilla.com.
Na cidade olívica, a actuación terá lugar o día 28 de decembro, no Teatro Afundación de Vigo (Policarpo Sanz, 13) e o 29 na Sede Afundación de Pontevedra (Augusto González Besada, 2-4), en ambos os casos, ás 20.30 h.
O programa está inspirado na tradicional cita musical que cada ano se celebra en Viena e inclúe os títulos máis coñecidos do rei do valse: Napoleón, Festa das flores, O valse do emperador ou Champagne. Non faltará , tampouco, o valse máis soado de todos, O fermoso Danubio azul, nin a Marcha Radetzky que, compasada polas palmas do público, adoita pechar a velada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.