A Policía Local de Lugo estrea novos chalecos antibalas
Lara Méndez defende que máis seguridade para a Policía Local é máis seguridade para a cidadanía.
Por Galicia Confidencial | Lugo | 21/12/2016 | Actualizada ás 09:00
Garantir a seguridade a quen lla garante á cidadanía, á Policía Local. Con este obxectivo, o Concello adquiriu 55 chalecos antibalas e antipunzantes para o corpo, así como 119 fundas individuais exteriores Dentro desta partida virán distintas tallas, incluíndo unha específicas adaptadas á fisionomía da muller. Unha adquisición que custou 33.000 euros e que a súa alcaldesa, Lara Médez, xustificou pola necesidade de dotar de “máis seguridade” aos funcionarios.
“Dita adquisición xustifícase en preceptos que temos claros como Goberno, e, como persoas con sensibilidade laboral. É a nosa obriga garantir a seguridade dos traballadores e darlles os elementos para o seu traballo”, subliñou. “Dotar aos policías de mellores instrumentos é, directamente dotar á cidadanía de máis seguridade. Cada euro investido na Policía é diñeiro investido en cada un dos e das lucenses, en Lugo”, engadiu a rexedora.
As novas prendas de seguridade teñen paneis ou paquetes balísticos que outorgan protección a peito, costas e costados, así como material de protección contra obxectos punzocortantes. Estes paneis irán envoltos e selados con 3mm de ancho de soldadura como mínimo nunha funda protectora de poliamida de alta tenacidade para garantir a súa protección.
