Els Joglars actuarán en Pontevedra
Afundación pechará o vindeiro 12 de xaneiro a venda de abonos para a primeira parte ou a totalidade da nova tempada teatral en Pontevedra. O programa conta cun total de catro obras que abordan temáticas de índole introspectiva e de coñecemento do ser humano.
Por GC Tendencias | Pontevedra | 03/01/2017 | Actualizada ás 13:00
Desde unha homenaxe a Miguel de Cervantes, con Rafael Álvarez El Brujo a través de Misterios del Quijote, pasando pola reflexión sobre a mala praxe xornalística en Zenit: la realidad a su medida, de Els Joglars, ata a infidelidade e as súas consecuencias en El contador del amor.
Todas as compras poden realizarse a través das canles habituais de venda de Afundación, por exempli en Ataquilla.com. Ademais do aforro que supón o abono, un 20 % con respecto aos prezos das entradas individuais, Afundación ten en marcha unha política de bonificacións e descontos para persoas desempregadas, xubiladas e mozas que supón unha rebaixa adicional dun 10 %. A totalidade das funcións terá lugar na Sede Afundación de Pontevedra (Augusto González Besada, 2-4).
